Kahanga-hanga ang gawaing ito sapagkat di lang sa larangan ng isports nakatutok ang gawain ng mga atleta bagkus sa gawaing pansibiko rin.
Ginawa ito umano ng delegasyon bilang pasasalamat sa eskwelahan at mga magulang na naglinis at naghanda para maging maging maayos at malinis ang daratnan ng mga panauhin sa paaralan.
Nakasanayan din umano ng kanilang delegasyon ang pagsasagawa ng clean-up drive bilang bahagi ng aktibidad ng kanilang mga atleta. Ito ay nakatutuwang gawain ng mga atleta sa panahon ng kanilang pamamalagi sa kanilang pansamantalang tinutuluyan.
Isa sa binigyang diin ni Dr. Nicholas Capulong sa kaniyang talumpati sa isinagawang solidarity meeting ay may kaugnayan sa kalinisan.
“Ang ating lungsond ng Puerto Princesa ay kilalang pinakamalinis sa bansa. Sana ho sa bawat billeting school natin ay mapanatili natin itong malinis. Kung paano natin dinatnan itong malinis, iiwan rin nating mas maayos at malinis,” ani ng direktor.
Ang Lungsod ng Puerto Princesa katuwang ang Dibisyon ng Puerto Princesa ay nagsanib-pwersa sa paghahanda sa palarong ito. Saan mang aspeto ay inihanda ng host delegation ang mga pangangailangan ng iba’t ibang delegasyon mula sa Rehiyon ng MIMAROPA.
Batid ng lahat na napakahalaga ng kalinisan hindi lamang para sa ating kalusugan kundi pati na rin sa pagkatao ng bawat isa. Ang pagsunod at pagsang-ayon sa alituntunin ng delegasyon kaugnay sa kalinisan ay simbolo ng mahusay at disiplinadong atleta.
Nawa ay panatilihin ng bawat delegasyon ang malasakit sa kanilang billeting school sa pamamagitan ng kalinisan hanggang sa huling araw bago sila aalis at lisanin ang kanilang nagsilbing pansamantalang tahanan sa panaho ng palaro.
Guhit ni: Penelope Faye Castro, SPJ Ang Palawenian
]]>Dinaluhan ng Deped Regional official, technical officials, coaches, trainers, at tournament managers mula sa iba’t ibang delegasyon ang pagpupulong na may layuning talakayin ang mahahalagang aspeto ng kompetisyon katulad ng mga alituntunin, iskedyul, at iba pang detalye upang masiguro ang maayos at matagumpay na pagsasagawa ng palaro.
Ayon kay RD Capulong, maging bukas sana ang bawat delegasyon sa pagtanggap anuman ang magiging resulta para sa ikatatagumpay ng palaro.
“Part of playing is acceptance of the result unless there’s a reason to complain. Sana panatilihin din po natin ang ganitong pag-iisip na maging open-minded po tayong lahat. Gawin po nating mahusay, organisado ang ating laro ngayong taon”, paaalala ng Overall Athletic Manager sa kaniyang talumpati sa pagpupulong.
Tiniyak din ng Regional Director ang kaligtasan ng mga atleta at mga coaches kaugnay sa nararanasang mataas na heat index ng siyudad.
“Kung talagang mainit na mainit ang panahon isususpend natin ang outdoor activities from 9:00am or 10 ng umaga hanggang alas tres ng hapon. We have to guarantee the safety of our athletes of course the referees and our coaches and trainees”, saad ni sir Capulong.
Samantala, ipinahayag din ng director na nais siyang makamit muli ang second best most discipline delegation sa darating na Palarong Pambansa kahit na kakaunti lang ang maiuwing panalao sa iba’t ibang kompetisyon.
“It is always my aspiration that our delegation for the Palarong Pambansa will bring home- not the whole piece of the bacon but at least some piece of the bacon. But more than that sana mapanatili natin sa palarong Pambansa ang second best sa most discipline delegation”, giit pa ni Dr. Capulong.
Nagtapos ang meeting sa pagkakaroon ng oryentasyon sa bawat sports event kung saan pinag-usapan ang mga ground rules, schedule, venue ng palaro at iba pang detalye na pinangunahan ni Dr. Esmeraldo G. Lalo, Regional Sports Officer.
